首页分享 adopt – nana2014blog

adopt – nana2014blog

来源：萌宠菠菠乐园时间：2024-11-17 14:47

狗狗

我同自己講過，有 3 件事我這輩子想做的，做完的話，死的時候應該無咩遺憾。其中一件事係養狗狗。

我一直都喜歡狗狗，覺得他們很懂性，而且我希望能夠訓練出聽話的狗狗，這會很有成功感。

講到咁喜歡，點解唔一早就養? 因為屋企人驚狗，仲同屋企人住的時候唔可以養。到搬左出黎之後，又驚狗狗會 Ruin 新裝修好既屋。又要左諗右諗到底自己是否有時間，恆心，同埋金錢去照顧狗狗。諗左好耐，有一段時間覺得自己既然又怕狗狗會咬爛野，整花木地板，姐係我唔夠愛同包容啦! 我緊張屋企 d 裝修多過隻狗。所以就打消了養狗的念頭。

機緣巧合之下，有隻我喜歡的品種的狗狗等待有心人領養，同老公商量完之後就領養左佢番黎。我們的生活就從此改變，我有一兩個星期完全訓唔到，因為好擔心隻狗。擔心佢會在家中大小便，又擔心我遲左起身帶佢外出散步同去廁所，又擔心我講緊公司電話的時候佢會吠，又擔心我有什麼做錯/ 做漏左而令狗狗唔開心/ 唔舒服。

每日都要出 2 次街去大小便，然後散步加加埋埋 1 至 1 .5 小時。隔日就梳毛，1 個月剪一次甲，同佢去效外玩，玩到好污糟沖一次涼好似打仗咁。整新鮮的雞肉做零食，盡量每日抽時間係屋企做 training，加上因為養左狗而要勤 d 吸塵，抹地等等，我已經無晒時間。

我連煮飯俾自己食都懶，一係就唔食，一係就食 junk food/ frozen food。我自己連涼都沖少左，勁懶勁宅女，唔理自己儀容。每日除了番工，就係打理隻狗同埋做家務。

這就是我潛左水咁耐的原因。現在叫做慢慢 settle 了，希望生活上一切都慢慢回復正常吧! 有得必有失，我睇到我既付出係慢慢有成果的，狗狗好癡我，壞習慣亦都有慢慢改善 (當然唔可能要求所有野都一次過改得好)。

我希望自己唔係三分鐘熱度，我的確為左養唔養狗狗這件事諗左好耐好耐‥‥‥搬出黎都有半年有多，但一直無信心，思前想後擔心自己應付唔黎又或者 commit 唔到照顧狗狗一輩子。最後，我覺得自己心底裡都是愛錫狗狗的，如果我現在唔養，可能日後會有遺憾，而咁岩又有一隻咁合我們心水的狗狗等候領養，所以就勇敢地踏出了第一步! 雖然未養狗之前 (講緊過去的 10 年)，我都花了很多時間睇教狗狗的 video，講 animal behavior 既 tv channel 同埋上網 research 左好多關於佢這個品種，但養左佢之後，我都有繼續 research 有關的資料。唔識唔緊要，最緊要肯去學。我絕對唔希望自己既無知會害左狗狗。

September 11, 2016 | Categories: diary, dog | Tags: adopt, adoption, 狗, 狗狗, dog, 遺憾, 領養, 養狗, 承諾, 搬出去住, 一輩子 |4 Comments

愛狗之人?

我一直都以為自己係好愛狗狗，但我從未養過狗，因為我屋企人怕狗。

而我同屋企人同住，間屋唔係我既，當然我要尊重佢地。況且，我都唔知自己有沒有經濟能力去照顧狗狗，所以我一直都沒有擁有一隻狗。

現在我買了屋，終於會搬出去，不再與家人同住。

當我考慮是否應該養狗的時候，我開始變得 Uncertain。細個既時候，我同自己講，一生人一定要養一次狗，這樣才死得眼閉。

但當我的機會來臨的時候，我一而再，再而三的 hesitate。因為我不肯定我是否能 commit 每天都帶狗狗散步，我不肯定我是否願意付出金錢去做大手術。

我 consider 自己是一個有責任心的人，如果我養得狗狗的話，就要好好照顧他。

我喜歡大狗，中型狗都 ok，小型狗就唔喜歡。但一般來說，中型狗及大型狗都需要每天散步，1-2 次，30 分鐘或以上。

我自問我已經夠忙，唔希望再被這些額外的事情去煩擾。更甚的是，養寵物是十分困身的，去旅行，甚至係唔番屋企一晚，都會有問題。

再者，屋企要平常更加勤清潔，又要擔心心愛的鞋，名貴手袋，電話被咬爛……

我真係唔想付出咁多! 我係想有隻狗狗好愛我，將我視為他的唯一，但係我又唔願意付出，所以我知道我暫時都係未適合去養狗。

我諗我份人真係超級自私，把口講到自己有幾喜歡狗狗，平時見到狗狗又雙眼發光咁，但其實講到尾，我係唔願意為狗狗付出的自私鬼。

我發覺我 so call 的興趣，其實真係無。我個人做咩野都覺得「sai 錢」，覺得辛苦，唔想去做。

做人無晒動力，到底這是性格，還是抑鬱症的徵狀?

September 1, 2015 | Categories: Depression | Tags: adopt, commit, concern, 無晒動力, 狗, 狗主, 細狗, 經濟能力, depression, devote, dog owner, dogs, effort, 金錢, 自私, 錢, 領養, 養狗, goal, hesitate, lack of interest, large dogs, money, motivation, second thought, small dogs, target, time, walk your dog, 做手術, 困身, 大狗, 大型狗, 小型狗, 性格, 抑鬱症, 散步, 旅行, 機會, 清潔, 中型狗, 人格 |Leave a comment